ဗန်းမော်မြို့ ခလရ-၂၃၆ တပ်ရင်းကို KIA နှင့် PDF တပ်များ သိမ်းပိုက်ပြီး စကခ-၂၁ ကို ထိုးစစ်ဆင်နေမှုကြောင့် စစ်တပ်ဘက်မှ သေဆုံးမှုများပြား

 ဗန်းမော်မြို့ ခလရ-၂၃၆ တပ်ရင်းကို KIA နှင့် PDF တပ်များ သိမ်းပိုက်ပြီး စကခ-၂၁ ကို ထိုးစစ်ဆင်နေမှုကြောင့် စစ်တပ်ဘက်မှ သေဆုံးမှုများပြား

ရခိုင်ပြည်နယ်အရေးကြီးသော သတင်း)| ဖေဖော်ဝါရီ ၁၉

ကချင်ပြည်နယ်၊ ဗန်းမော်မြို့ရှိ ခလရ-၂၃၆ တပ်ရင်းကို KIA နှင့် PDF တပ်များ ပူးပေါင်း၍ အပြီးသတ် သိမ်းပိုက်နိုင်ခဲ့ပြီး အမှတ် ၂၁ စစ်ဆင်ရေးကွပ်ကဲမှုဌာနချုပ် (စကခ-၂၁) ကိုလည်း ထိုးစစ်ဆင်နေသဖြင့် စစ်ကောင်စီတပ်ဘက်မှ သေဆုံးမှုများ ပြင်းထန်လာကြောင်း KIA စစ်ရေးသတင်းရင်းမြစ်များထံမှ သိရှိရသည်။

ဖေဖော်ဝါရီလ ၁၈ ရက်နေ့ တွင် KIA နှင့် PDF တပ်များသည် ဗန်းမော်မြို့ရှိ ခလရ-၂၃၆ နှင့် အမတ-၃၆၆ တပ်ရင်းများကို တိုက်ခိုက်သိမ်းပိုက်နိုင်ခဲ့ပြီး လက်ရှိတွင် စကခ-၂၁ အနီးအထိ တပ်များ ရောက်ရှိနေသည်။

"ဖေဖော်ဝါရီ ၁၈ ရက်နေ့မှာ အမတ-၃၆၆ ကို သိမ်းပြီး ခလရ-၂၃၆ ကိုလည်း သိမ်းလိုက်ပြီ။ ယခုအခါ စကခ-၂၁ ကို ဆက်လက် ထိုးစစ်ဆင်နေရာတွင် စစ်ကောင်စီတပ်သည် အကျအဆုံးများပြားနေသည်" ဟု KIA ၏ စစ်ရေးသတင်းရင်းမြစ်က ပြောဆိုသည်။

ယခင်ကလည်း ဇန်နဝါရီ ၂၄ ရက်နေ့ တွင် KIA တပ်များက ဗန်းမော်မြို့ရှိ သံချပ်ကာတပ်ရင်းကို သိမ်းပိုက်နိုင်ခဲ့ပြီး သံချပ်ကာယာဉ် ၄ စီးကို သိမ်းဆည်းနိုင်ခဲ့ကြောင်း၊ ဇန်နဝါရီ ၂၆ ရက်နေ့ တွင် ဗန်းမော် လေဆိပ်ကို အပြီးသတ် သိမ်းပိုက်နိုင်ခဲ့ကြောင်း သိရှိရသည်။

ဖေဖော်ဝါရီလ ၁၈ ရက်နေ့မှစ၍ ဗန်းမော်မြို့ကို အပြီးသတ် သိမ်းပိုက်နိုင်ရန် KIA တပ်ဖွဲ့များသည် စကခ-၂၁၊ ခလရ-၄၇၊ လေ့ကျင့်ရေးတပ်နှင့် ဒုံးတပ်ရင်းတို့အား ဆက်လက် ထိုးစစ်ဆင်နေဆဲဖြစ်သည်။

အဆိုပါတိုက်ပွဲသည် ၂၀၂၄ ခုနှစ် ဒီဇင်ဘာ ၄ ရက်နေ့မှ စတင်၍ KIA ၊ PDF အပါအဝင် တော်လှန်ရေးတပ်များက ဗန်းမော်မြို့ကို သိမ်းပိုက်ရန် တိုက်ခိုက်လာခြင်းဖြစ်သည်။