မင်းအောင်လှိုင် — "တိုင်းရင်းသားလက်နက်ကိုင်များ မတည်ငြိမ်မှုကို အခွင့်ကောင်းယူ၍ အကြမ်းဖက်တိုက်ခိုက်"
ဖေဖော်ဝါရီ ၂၀၊ ၂၀၂၅ Facebook
အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က တိုင်းရင်းသားလက်နက်ကိုင်အဖွဲ့အစည်းအချို့သည် မတည်ငြိမ်မှုအခြေအနေများကို အခွင့်ကောင်းယူကာ တည်ငြိမ်အေးချမ်းနေသည့် ဒေသများအား အကြမ်းဖက်တိုက်ခိုက်ဖျက်ဆီးမှုများ ဆောင်ရွက်ခဲ့ကြောင်းပြောကြားခဲ့သည်။
၎င်း၏ ထုတ်ပြန်ချက်သည် ၇၇ နှစ်မြောက် ချင်းအမျိုးသားနေ့ အခမ်းအနားသို့ ပေးပို့သည့် သဝဏ်လွှာတွင် ထည့်သွင်းဖော်ပြထားခဲ့ပြီး၊ မတည်ငြိမ်မှုများကို အကြမ်းဖက်လုပ်ရပ်များအဖြစ် သတ်မှတ်ထားကြောင်း သိရသည်။
ထို့အပြင် ၂၀၂၀ ပြည့်နှစ် ရွေးကောက်ပွဲအပေါ် သံသယဖြစ်စေသည့် မဲမသမာမှုများကြောင့် အမြန်ဆုံးအရေးယူခဲ့ခြင်းဖြစ်ကြောင်း၊ ထိုအခြေအနေကို အကြောင်းဖန်တီးကာ အာဏာသိမ်းမှုကို တရားမဝင်ဟု ဝန်ဆောင်မသင့်ကြောင်း မင်းအောင်လှိုင်က ထပ်မံရှင်းပြခဲ့သည်။
အဆိုပါ မတည်ငြိမ်မှုများကြောင့် တိုင်းရင်းသားလက်နက်ကိုင်အဖွဲ့အစည်းအချို့က နိုင်ငံတော်နှင့် ပြည်သူများအပေါ် သဘောထားမမှန်ကန်သည့် လုပ်ရပ်များ ဆောင်ရွက်ခဲ့ကြောင်း၊ ထိုအဖွဲ့များက မတည်ငြိမ်မှုကို အခွင့်ကောင်းယူကာ တည်ငြိမ်အေးချမ်းနေသည့်ဒေသများကို ဖျက်ဆီးခြင်းများ လုပ်ဆောင်ခဲ့ကြောင်း စစ်ခေါင်းဆောင်က တိုက်ခိုက်စွပ်စွဲခဲ့သည်။
ထို့အပြင် စစ်ကောင်စီက နိုင်ငံတော်နှင့် ပြည်သူများအတွက် စီးပွားရေးတိုးတက်ရေးအပေါ် ဦးစားပေးဆောင်ရွက်သွားမည်ဟုလည်း မင်းအောင်လှိုင်က ပြောကြားခဲ့သည်။
Posts
