နောင်ချိုမြို့နယ်တွင် စစ်ကောင်စီ၏ လေကြောင်းတိုက်ခိုက်မှုကြောင့် အရပ်သား ၁ ဦး သေဆုံး၊ ၄ ဦး ဒဏ်ရာရ

ရှမ်းပြည်နယ်မြောက်ပိုင်း တအာင်းအမျိုးသား

ဓာတ်ပုံ - PSLF/TNLA

လွတ်မြောက်ရေးတပ်မတော် (TNLA) ထိန်းချုပ်ထားသည့် နောင်ချိုမြို့နယ်တွင် စစ်ကောင်စီတပ်ဖွဲ့မှ လေကြောင်းတိုက်ခိုက်မှုများ ပြုလုပ်ရာက အရပ်သားတစ်ဦး သေဆုံးပြီး လူအများအပါအဝင် ၄ ဦး ဒဏ်ရာရရှိခဲ့သည်။

ဖေဖော်ဝါရီ ၂၀ ရက် ညပိုင်းတွင် နောင်ချိုမြို့နယ်၊ ကျောက်ကြမ်းရွာအုပ်စုကို စစ်ကောင်စီတပ်မှ ဗုံးနှစ်လုံး လေကြောင်းမှကြဲချခဲ့ရာ အရပ်သားတစ်ဦး သေဆုံးခဲ့ပြီး လူသုံးဦး ထပ်မံဒဏ်ရာရရှိခဲ့ကြောင်း သိရှိရသည်။

ထို့အပြင်၊ ဖေဖော်ဝါရီ ၂၁ ရက် နံနက်ပိုင်းတွင်လည်း ဘန့်ဘွေးရွာအနီးမှ စစ်ကောင်စီတပ်သည် နောင်ချိုမြို့နယ်၊ ဆမ္မဆယ်ရွာကို လက်နက်ကြီးဖြင့် ပစ်ခတ်ရာမှ နေအိမ် ၃ လုံး ပျက်စီးသွားခဲ့သည်။ ထို့ကြောင့် နောင်ချိုမြို့နယ်ရှိ နေအိမ် ၁၀ လုံးကျော် ပျက်စီးခဲ့သည်ဟု ဒေသခံများက ပြောကြားထားသည်။

ဘန့်ဘွေးရွာသည် တအာင်းအမျိုးသားလွတ်မြောက်ရေးတပ်မတော်နှင့် ပူးပေါင်းတပ်များ ထိန်းချုပ်ထားသော နောင်ချိုမြို့နှင့် ၁၉ မိုင်အကွာရှိ ပြင်ဦးလွင်-နောင်ချိုကားလမ်းပေါ်တွင် တည်ရှိသည်။

၎င်းအကြောင်းအရာနှင့်ဆက်စပ်၍ ဖေဖော်ဝါရီ ၁၉ ရက်ညပိုင်းတွင်လည်း စစ်ကောင်စီတပ်ဖွဲ့က နောင်ချိုမြို့၊ ဘူတာရပ်ကွက်နှင့် ပြည်သူ့ဆေးရုံတစ်ခုအား လေကြောင်းမှ ဗုံးနှစ်လုံး ဖြင့် တိုက်ခိုက်ခဲ့ပြီး အရပ်သား ၃ ဦး သေဆုံးကာ ၄ ဦး ဒဏ်ရာရခဲ့ကြောင်း သတင်းရရှိထားသည်။

သေဆုံးသူများမှာ ဘူတာရပ်ကွက်နေ အရပ်သား ၂ ဦးနှင့် ပြည်သူ့ဆေးရုံမှ အရပ်သားတစ်ဦးဖြစ်ကြောင်း TNLA ဘက်မှ ထုတ်ပြန်ထားသည်။

အဆိုပါ လေကြောင်းတိုက်ခိုက်မှုများသည် ဖေဖော်ဝါရီ ၁၆ နှင့် ၁၇ ရက်နေ့များတွင် တရုတ်နိုင်ငံ ယူနန်ပြည်နယ်၊ ကူမင်းမြို့၌ ကျင်းပသည့် TNLA နှင့် စစ်ကောင်စီတို့၏ ညှိနှိုင်းဆွေးနွေးမှုများ ပျက်ကွက်သည့်အခြေအနေအရ စစ်ကောင်စီဘက်မှ ထပ်မံ တိုက်ခိုက်လာခြင်းဖြစ်ကြောင်း ခန့်မှန်းထားသည်။

ဓာတ်ပုံ - PSLF/TNLA