ရခိုင်ပင်လယ်ပြင်မှာ တရားဝမင် ငါးဖမ်းသည့် ဘင်္ဂလားဒေ့ရှ်နိုင်ငံသား ၁၉ ဦးကို AA က ဖမ်းဆီး

ဖေဖော်ဝါရီ ၂၁၊ ၂၀၂၅ — ရခိုင်ပြည်နယ်အရေးကြီးသောသတင်း

ရခိုင်ပြည်နယ် မောင်တောမြို့အနီး နတ်မြစ်၌ တရားမဝင် ဝင်ရောက်ငါးဖမ်းနေသည့် ဘင်္ဂလားဒေ့ရှ် နိုင်ငံသား ၁၉ ဦးအား အာရက္ခတပ်တော် (AA) က စက်လှေ ၄ စီးနှင့်အတူ ဖေဖော်ဝါရီ ၂၀ ရက်နေ့တွင် ဖမ်းဆီးခဲ့ကြောင်း သိရသည်။

နတ်မြစ်သည် ဘင်္ဂလားဒေ့ရှ်နှင့် မြန်မာနိုင်ငံတို့၏ အနယ်နယ်နီးနီးသဘောရှိသည့် မြစ်တစ်စင်းဖြစ်ပြီး, မြစ်၏ အစိတ်အပိုင်းတစ်စိတ်မှာ ရခိုင်ပြည်နယ်ရေပိုင်နက်အဖြစ် သတ်မှတ်ထားသည်။ သို့သော် ဘင်္ဂလားဒေ့ရှ်ငါးဖမ်းသမားများသည် မကြာခဏ ဤရေပိုင်နက်သို့ ကျူးကျော်ဝင်ရောက်ကာ တရားမဝင်ငါးဖမ်းလေ့ရှိကြောင်း ဒေသခံများက ပြောကြားခဲ့သည်။

AA ၏ ကမ်းခြေစောင့်တပ်ဖွဲ့ကလည်း ရခိုင်ရေပိုင်နက်အတွင်း တရားမဝင် ဝင်ရောက်ငါးဖမ်းမှုများနှင့် နယ်နိမိတ်ကျော်ကျော်ဝင်လာသူများကို အမြဲတမ်း စောင့်ကြည့်၍ လိုအပ်သလို ဖမ်းဆီးစစ်ဆေးလျက်ရှိသည်။ ယခင်ကလည်း ဖေဖော်ဝါရီလ ပထမအပတ်တွင် ဘင်္ဂလားဒေ့ရှ်နိုင်ငံသား ၆ ဦးအား AA ကဖမ်းဆီးခဲ့ပြီး ယနေ့အထိ ပြန်လွှတ်ပေးခြင်း မရှိသေးပါ။

ယခုဖမ်းဆီးခံရသူ ၁၉ ဦးနှင့် စက်လှေ ၄ စီးနှင့်ပတ်သက်၍ ဘင်္ဂလားဒေ့ရှ်အာဏာပိုင်များက AA နှင့် ဆက်သွယ်၍ ပြန်လည်လွတ်မြောက်ရေး ဆောင်ရွက်နေကြောင်းလည်း သိရသည်။ တက္ကနပ်ဆိပ်ကမ်းအရာရှိတစ်ဦးက “တံငါသည် ၁၉ ဦးသည် AA ၏ ဖမ်းဆီးမှုကြောင့် လက်ရှိထိန်းသိမ်းခံထားရပြီး၊ ပြန်လည်လွတ်မြောက်ရေးအတွက် BGB နှင့် AA ဆီတွင် ဆက်သွယ်ဆောင်ရွက်နေပါသည်” ဟု ပြောကြားခဲ့သည်။

ထို့အပြင် ဘင်္ဂလားဒေ့ရှ်နယ်ခြားစောင့်တပ် (BGB) ၏ အကြီးတန်းအရာရှိတစ်ဦးကလည်း AA ၏ ဖမ်းဆီးမှုအပေါ် အတည်ပြုခဲ့ပြီး “ငါးဖမ်းသမားများ ပြန်လည်လွတ်မြောက်ရေးအတွက် ဆက်လက်ညှိနှိုင်းနေပြီး အမြန်ဆုံးပြန်လည်ခေါ်ယူနိုင်ရန် ကြိုးပမ်းနေပါသည်” ဟု ပြောခဲ့သည်။

တစ်ဖက်တွင်လည်း ဇန်နဝါရီလအတွင်း ဘင်္ဂလားဒေ့ရှ်မှ စက်လှေများသည် ရခိုင်ပင်လယ်ပြင်ဖြစ်သည့် ကျောက်ပန်းန္ဒူကမ်းခြေ နှင့် အလယ်သံကျော်ကမ်းခြေများအနီး၌ စစ်ကောင်စီရေတပ်အား အကာအကွယ်ယူကာ တရားမဝင်ငါးဖမ်းခဲ့ကြောင်း သိရသည်။ ဒါ့အပြင် ဘင်္ဂလားဒေ့ရှ်ငါးဖမ်းသမားများသည် စစ်ကောင်စီရေတပ်အား ငွေကြေးပေးချေကာ တရားမဝင်ငါးဖမ်းမှုများ ဆက်လက်လုပ်ဆောင်နေကြောင်းလည်း သိရသည်။

လတ်တလောတွင် မောင်တောနှင့် ဘူးသီးတောင်ဒေသများကို AA ထိန်းချုပ်ထားပြီး, ဘင်္ဂလားဒေ့ရှ်နှင့် ထိစပ်နေသည့် နတ်မြစ်တစ်လျှောက်ကိုလည်း အာရက္ခတပ်တော်က ထိန်းချုပ်လျက်ရှိသည်။ သို့သော် နတ်မြစ်ဝ ဘင်္ဂလားပင်လယ်အော်၌ စစ်ကောင်စီရေတပ် သင်္ဘောများက လှုပ်ရှားနေဆဲ ဖြစ်ပြီး, ဘင်္ဂလားဒေ့ရှ်ငါးဖမ်းသမားများကလည်း စစ်ကောင်စီရေတပ်အား ငွေကြေးပေး၍ တရားမဝင်ငါးဖမ်းလှုပ်ရှားမှုများ ဆက်လက်လုပ်ဆောင်နေကြောင်း သတင်းရသည်။