ဘင်္ဂလားဒေ့ရှ်-မြန်မာနယ်စပ်မှာ BGB တပ်ရင်းသစ် တိုးချဲ့ဖွင့်လှစ်
(၂၀၂၄ ဒီဇင်ဘာ ၁၁၊ Rakine Focus)
ဘင်္ဂလားဒေ့ရှ်-မြန်မာနယ်စပ်တလျှောက် လုံခြုံရေးကို တိုးမြှင့်ရန် ကော့ဇ်ဘဇားခရိုင်၊ ယူကီရာ (Ukhiya) တွင် နယ်ခြားစောင့်တပ် (BGB) တပ်ရင်းအသစ် တည်ထောင်လှစ်လိုက်ကြောင်း BSS News မှဖော်ပြသည်။
ဖွင့်လှစ်ပွဲတွင် ဘင်္ဂလားဒေ့ရှ် ပြည်ထဲရေးအကြံပေး ဒုတိယဗိုလ်ချုပ်ကြီး ဂျာဟန်ဂျီ အာလမ် ချောဒရီ (Jahangir Alam Chowdhury) မှ ကျမ်းသစ္စာကျိန်ဆိုပြီး တပ်ရင်းသစ် အလံကို ဝှေ့ရမ်းခဲ့သည်။
ဒုတိယဗိုလ်ချုပ်ကြီး၏ ပြောကြားချက်အရ မြန်မာနိုင်ငံအတွင်း ဖြစ်ပွားနေသည့် အရှုပ်အထွေးများကြောင့် နယ်စပ်ဒေသတွင် လုံခြုံရေး ပြုလုပ်ရန် BGB တပ်ရင်းအသစ် တိုးချဲ့ဖွင့်ရန် အရေးကြီးလာခဲ့သည်။
အသစ်ဖွင့်လှစ်ထားသော Ukhiya တပ်ရင်း သည် -
✔ နယ်စပ်ဖြတ်ကျော်ရာဇဝတ်မှုများ
✔ မူးယစ်ဆေးဝါးနှင့် မှောင်ခိုကုန်သွယ်မှုများ
✔ အကြမ်းဖက်လှုပ်ရှားမှုများ
✔ ဒေသခံများ၏ အသက်အိုးအိမ် လုံခြုံရေး
တို့ကို ကာကွယ်ထိန်းချုပ်သွားမည်ဖြစ်ကြောင်း BGB တာဝန်ရှိသူများက အတည်ပြုသည်။
ဘင်္ဂလားဒေ့ရှ်အစိုးရသည် မြန်မာနိုင်ငံနှင့် နယ်စပ်ဒေသ လုံခြုံရေးကို ပိုမိုတင်းကြပ်ရန် ဆောင်ရွက်နေကြောင်း သိရသည်။
ဤသတင်းကို Rakine Focus နှင့် Arakan Beacon တို့မှ တင်ပြပါသည်။
Posts
