TNLA ထိန်းချုပ်နယ်မြေများတွင် စစ်ကောင်စီ လေကြောင်းတိုက်ခိုက်မှုကြောင့် အရပ်သား ၁၃ ဦးသေဆုံး

TNLA ထိန်းချုပ်နယ်မြေများတွင် စစ်ကောင်စီ လေကြောင်းတိုက်ခိုက်မှုကြောင့် အရပ်သား ၁၃ ဦးသေဆုံး

📅 နေ့စွဲ - ၂၀၂၅ မတ်လ ၂ ရက် (စနေနေ့)

📌 Rakine Focus

တအာင်းအမျိုးသား လွတ်မြောက်ရေးတပ်မတော် (TNLA) ထိန်းချုပ်နယ်မြေများတွင် စစ်ကောင်စီဘက်မှ တိုက်ပွဲဖြစ်ပွားမှုမရှိဘဲ လေကြောင်းတိုက်ခိုက်မှုများ ပြုလုပ်ခဲ့သည်။ ထို့ကြောင့် ၂၀၂၅ ဖေဖော်ဝါရီလအတွင်း အရပ်သား ၁၃ ဦးသေဆုံးပြီး ၃၆ ဦး ဒဏ်ရာရခဲ့ကြောင်း TNLA သည် မတ်လ ၁ ရက်တွင် ထုတ်ပြန်ခဲ့သည်။

🔴 ဖေဖော်ဝါရီ ၁၀ ရက် – မိုးကုတ်မြို့အနောက်ပိုင်း ဝန်းထရံရပ်ကွက်တွင် စစ်ကောင်စီက လေကြောင်းမှ ဗုံးအလုံး ၂၀ ကြဲချခဲ့ပြီး အရပ်သား ၅ ဦးသေဆုံးခဲ့သည့်အပြင် ၁၉ ဦး ဒဏ်ရာရရှိခဲ့သည်။

🔴 ဖေဖော်ဝါရီ ၂၀ ရက် – နောင်ချိုမြို့ ဘူတာရပ်ကွက်နှင့် နောင်ချိုပြည်သူ့ဆေးရုံပေါ်တွင် ဗုံး ၂ လုံး ကျေချခဲ့ရာ အရပ်သား ၃ ဦးသေဆုံးပြီး ၄ ဦး ဒဏ်ရာရရှိခဲ့သည်။

🔴 ဖေဖော်ဝါရီ ၂၅ ရက် – မိုးမိတ်မြို့နယ် ဝဲဘောင်းကျေးရွာကို လေကြောင်းမှ ဗုံးကြဲချသဖြင့် အရပ်သား ၃ ဦးသေဆုံးပြီး ၇ ဦး ဒဏ်ရာရရှိခဲ့သည်။

ဖေဖော်ဝါရီလအတွင်း လေကြောင်းတိုက်ခိုက်မှုကြောင့်

မိုးကုတ်နှင့် နောင်ချို – ၁၀ ဦးသေဆုံး (မြို့တိုင်း ၅ ဦးစီ)

မိုးမိတ်မြို့နယ် – ၃ ဦးသေဆုံး

ထို့အပြင် ဖေဖော်ဝါရီ ၂၃ ရက်နေ့တွင် TNLA နှင့် စစ်ကောင်စီတပ်တို့ တောင်ရှည်နှင့် မန်မော်ကျေးရွာအကြား တိုက်ပွဲဖြစ်ပွားခဲ့သည်။ ယင်းတိုက်ပွဲအတွင်း စစ်ကောင်စီတပ်သည် အဆိပ်ငွေ့ဗုံး အသုံးပြုခြင်းကြောင့် TNLA တပ်သား ၁၀ ဦး ဒဏ်ရာရခဲ့ကြောင်း TNLA သည် ထုတ်ပြန်ခဲ့သည်။

ထိုသို့ ဖြစ်ပျက်မှုများနှင့်ပတ်သက်၍ စစ်ကောင်စီ ပြောခွင့်ရ ဗိုလ်ချုပ် ဇော်မင်းထွန်း ထံ RFA သည် ဆက်သွယ်မေးမြန်းခဲ့သော်လည်း မဖြေကြားခဲ့ခြင်း ဖြစ်သည်။

💥 ယခင်လအတွင်းတွင်လည်း – ၂၀၂၅ ဇန်နဝါရီလအတွင်း စစ်ကောင်စီသည် TNLA ထိန်းချုပ်သည့် နောင်ချို၊ မိုးကုတ်နှင့် ကျောက်မဲမြို့များတွင် လေကြောင်းမှ ဗုံးကြဲခဲ့ရာ အရပ်သား ၁၄ ဦး သေဆုံးပြီး ၂၆ ဦး ဒဏ်ရာရခဲ့ကြောင်း ဒေသခံများက ဖော်ပြခဲ့သည်။

📸 ဖေဖော်ဝါရီ ၂၁ ရက်နေ့တွင် လေကြောင်းတိုက်ခိုက်မှုခံရသည့် နောင်ချိုမြို့နယ် လောက်ဖန်းကျေးရွာ (Photo : PSLF/TNLA News)

📌 Rakine Focus