ရခိုင်ပြည်စစ်တွေမြို့
ရခိုင်ပြည်စစ်တွေမြို့
Mohammed Aziz ရခိုင်ပြည်စစ်တွေမြို့

ကျားဖြန့်လုပ်ငန်းမှ နိုင်ငံခြားသားများကို ပြန်ခေါ်ဖို့ BGF တိုက်တွန်း ကရင်ပြည်နယ်တွင်ရှိသည့် ကျားဖြန့် (အွန်လိုင်းငွေလိမ်လုပ်ငန်း) တွေမှ ဖမ်းဆီးထားသည့် နိုင်ငံခြားသားများကို သက်ဆိုင်ရာနိုင်ငံများက ပြန်ခေါ်ရန် ကရင်နယ်ခြားစောင့်တပ် (BGF) မှ တိုက်တွန်းသည်။ BGF ပြောရေးဆိုခွင့်ရှိသူ ဒုတိယဗိုလ်မှူးကြီး နိုင်မောင်‌ဇော်က ဘီဘီစီနှင့် ပြောဆိုမှုတွင် "ဖမ်းဆီးရမိသူများကို ပြန်ခေါ်ဖို့ ဖိအားပေးပြီး ဖြစ်သည်။ သို့သော် လက်တွေ့တွင် နိုင်ငံအသီးသီးမှ ကိုယ့်နည်းကိုယ်ဟန်နဲ့သာ ဆောင်ရွက်နေရသည်။ BGF အနေဖြင့်လည်း ပူးပေါင်းဆောင်ရွက်နေရမည်" ဟု ပြောသည်။ နိုင်ငံခြားသား ၇၀၀၀ ကျော် မြန်မာဘက်တွင် ကျန်ရှိ မြဝတီမြို့၊ ရွှေကုက္ကို၊ မယ်ထော်သလေး၊ KK Park တို့တွင် ဖမ်းဆီးရမိသော နိုင်ငံခြားသားများ စုစုပေါင်း ၂၉ နိုင်ငံမှ ရောက်ရှိလာသူများဖြစ် သည်။ စုစုပေါင်း ၇၀၀၀ ကျော် ကို မသိရှိသေးသည့် အခြေအနေကြောင့် ဆက်လက် စစ်ဆေးနေရသည်ဟု BGF မှ ထုတ်ပြန်သည်။ အများဆုံးဖမ်းဆီးရမိသူများမှာ တရုတ်နိုင်ငံသားများ ဖြစ်ပြီး၊ စစ်ဆေးပြီးသား ၂၁၇၅ ဦး ထဲမှ ၆၁၁ ဦး ကိုသာ ပြန်လည်ပို့ဆောင်နိုင်ခဲ့သည်။ ၆၀၀၀ နီးပါး သေး ကျန်ရှိနေ သည်။ ဗီယက်နမ်နှင့် အိန္ဒိယနိုင်ငံသားများမှာ ဒုတိယနှင့် တတိယအများဆုံးဖြစ်ပြီး၊ တစ်နိုင်ငံချင်း ၅၀၀ ကျော် ပြန်ခေါ်ရမည် ဟု BGF မှ ခန့်မှန်းထားသည်။ အင်ဒိုနီးရှား ၈၄ ဦး ပြန်ခေါ်ပြီး၊ ၄၇၀ ကျန်ရှိ အင်ဒိုနီးရှားအစိုးရသည် မနေ့ကသာ သူတို့နိုင်ငံသား ၈၄ ဦး ကို ပြန်ခေါ်ပြီးဖြစ်သည်။ သို့သော် ၄၇၀ ဦး ခန့် မြန်မာဘက်တွင် ဆက်လက်ကျန်ရှိနေ သည်။ "ကျန်နေသေးသော နိုင်ငံခြားသားများအတွက် စားဝတ်နေရေး၊ ကျန်းမာရေးစောင့်ရှောက်မှုများ ပြုလုပ်ရခြင်းကြောင့် အခက်အခဲများ ကြုံတွေ့နေရ" ဟု BGF မှ ထုတ်ပြန်သည်။ နိုင်ငံများ၏ တုန့်ပြန်မှုနှင့် အနာဂတ်ဆောင်ရွက်မှု ဖမ်းဆီးရမိသူများကို ပြန်လည်ပို့ဆောင်ရေးအတွက် သုံးနိုင်ငံအစည်းအဝေးပြုလုပ်ခဲ့သော်လည်း၊ တချို့နိုင်ငံများက အမြန်မဆောင်ရွက်နိုင်သေးပဲ ကိုယ့်နိုင်ငံအလိုက်နည်းလမ်းဖြင့်သာ ဆောင်ရွက်နေ သည်။ BGF သည် နိုင်ငံခြားသားများအမြန်ပြန်ခေါ်နိုင်ရေးအတွက် နိုင်ငံအသီးသီးနှင့် ဆက်သွယ်ဆောင်ရွက်နေ ကြောင်း ထုတ်ပြန်ချက်တွင်ဖော်ပြထားသည်။

Comments system

[blogger]
To Top